Бүтээлд Жаргалантын амны буган хөшөөний цогцолборын байршил, бүтэц, хадгалалтын байдал, сэргээн босголтын ажил, археологийн малтлага, дүрслэлийн онцлог, бэлгэдэл, тахилгын зан үйл болон хүрэл зэвсгийн үеийн нүүдэлчдийн соёл, шашин шүтлэг, нийгмийн байгууллын талаар дэлгэрэнгүй авч үзсэн. Мөн буган хөшөөд дээрх буга, согоо, зэр зэвсэг, бүс, гоёл чимэглэлийн дүрслэлийг шинжлэх ухааны үндэслэлтэйгээр тайлбарлаж, гэрэл зураг, зураглал, хэмжилтийн материал, хэв хуулга зэрэг баримтат хэрэглэгдэхүүнээр баяжуулсан. Энэхүү ном нь Монголын хүрэл зэвсгийн үеийн буган чулуун хөшөөний судалгаанд чухал хувь нэмэр оруулсан бөгөөд Жаргалантын амны цогцолборыг олон улсын хэмжээнд сурталчлах, соёлын өвийг хамгаалах, сэргээн хадгалах үйл ажиллагааны үр дүнг нэгтгэсэн үнэ цэнтэй эх сурвалж юм. Археологи, түүх, соёл судлалын судлаач, оюутан, сонирхогч хэн бүхэнд зориулсан шинжлэх ухааны ач холбогдол бүхий бүтээл болно.

Монгол хэл дээр